Xalq deputatlari Yangiobod tuman Kengashi raisi, deputat X. Tilakov tomonidan Sovot QFYning Sohibkor qishlog‘ida joylashgan mini futbol maydonining holati joyiga chiqqan holda o‘rganildi.

O‘rganish davomida mini futbol maydonining umumiy holati, futbol maydoni qoplamasi, jihozlarning sozligi hududning obodonlashtirilishi hamda yoshlar uchun yaratilgan sharoitlar ko‘zdan kechirildi.

Shuningdek, sport maydonidan yoshlarning muntazam foydalanishi, ularning bo‘sh vaqtini mazmunli tashkil etish, sog‘lom turmush tarzini targ‘ib qilish va sportga qiziqishini oshirish masalalariga e’tibor qaratildi.

Mahalla mas’ullari bilan birgalikda maydonni doimiy saqlash, sport jihozlaridan ehtiyotkorlik bilan foydalanish, hududni obodonlashtirib borish hamda yoshlar uchun yanada qulay sharoit yaratish bo‘yicha fikr almashildi.

O‘rganish yakunida aniqlangan masalalarni bartaraf etish, mini futbol maydonini soz va foydalanishga qulay holatda saqlash, yoshlarning sport bilan muntazam shug‘ullanishi uchun mavjud imkoniyatlardan samarali foydalanish yuzasidan tegishli tavsiyalar berildi.