Xalq deputatlari Koson tumani Kengashi deputati Toshqulov Nuriddin Berdiqulovich tomonidan Koson tumani "Mustaqillik" mahallasida o‘tkazilgan o‘rganish davomida elektr tarmog‘idagi mavjud muammolar aniqlandi.

📌 O‘rganish natijalariga ko‘ra, mahalladagi ayrim elektr simyog‘ochlari eskirib, yaroqsiz holatga kelgani aholining elektr ta’minotida qator noqulayliklarni keltirib chiqarmoqda.
Shu munosabat bilan deputat tomonidan Koson tuman elektr ta’minoti korxonasi boshlig‘iga deputat so‘rovi yuborilib:

🔹 muammoni qonunchilik asosida ko‘rib chiqish;
🔹 mavjud holat yuzasidan asoslantirilgan yozma axborot taqdim etish;
🔹 masalani bartaraf etish bo‘yicha tegishli choralar ko‘rish so‘raldi.

🤝 Aholining murojaatlari va hududlardagi dolzarb masalalarni o‘z vaqtida o‘rganish hamda ularning yechimini ta’minlash deputatlik faoliyatining ustuvor yo‘nalishlaridan biridir.