🏛 Navbatdagi sessiya kun tartibiga kiritilgan masala yuzasidan o‘rganish

Xalq deputatlari Sherobod tumani Kengashi raisi O. Tursunov tomonidan Xo‘jaqiya-2 mahallasida deputatlik faoliyatining ustuvor 24 yo‘nalishi doirasida mahalla ijtimoiy hodimi hamda mahalla hokim yordamchisining faoliyati joyiga chiqib o‘rganildi.

🔹 O‘rganish davomida kambag‘allikni qisqartirish bo‘yicha amalga oshirilayotgan ishlar, aholi bandligini ta’minlash yuzasidan yaratilayotgan imkoniyatlar, fuqarolarni tadbirkorlikka jalb etish, ijtimoiy himoyaga muhtoj oilalarni qo‘llab-quvvatlash hamda ijtimoiy yordam va ko‘mak mexanizmlarining amaldagi holati atroflicha tahlil qilindi.

📋 Shuningdek, mahallada "mahallabay" ishlash tizimi doirasida olib borilayotgan ishlar, ehtiyojmand fuqarolar bilan ishlash, bandlik dasturlarining ijrosi hamda aholi murojaatlarini o‘z vaqtida hal etish borasidagi faoliyat yuzasidan mas’ullar bilan fikr almashildi.

✅ O‘rganish natijalari asosida aniqlangan holatlar yuzasidan tegishli taklif va tavsiyalar ishlab chiqilib, ular Xalq deputatlari Sherobod tumani Kengashining navbatdagi sessiyasi kun tartibiga kiritilgan masalani ko‘rib chiqishda muhim asos bo‘lib xizmat qiladi.