19¹-modda 

  🏛 Deputatlik nazorati davom etmoqda

Xalq deputatlari Sherobod tumani Kengashi kotibiyati mudiri O. Tursunov tomonidan Xo‘jaqiya-2 mahallasida deputatlik nazorati amalga oshirildi.

🔹 Nazorat tadbiri davomida Xalq deputatlari Sherobod tumani Kengashining 2026-yil 07-aprelda qabul qilingan VII-22-48-8-119-K/26-son "Sherobod tumanida 2026-yil 1-mavsum doirasida 11–20-mart kunlari O‘zbekiston Respublikasi “Ochiq budjet” portali orqali o‘tkazilgan ovoz berish yakunlariga ko‘ra g‘olib deb topilgan, eng ko‘p ovoz to‘plagan takliflarni “Fuqarolar tashabbusi jamg‘armasi” mablag‘lari hisobidan moliyalashtirish to‘g‘risida"gi qarori ijrosi yuzasidan amalga oshirilayotgan ishlar joyiga chiqib o‘rganildi.

🏟 Xususan, mazkur qaror asosida moliyalashtirilayotgan 59-son umumta’lim maktabida sun’iy qoplamali stadion qurilishi ishlari bilan tanishildi. Obyektda olib borilayotgan qurilish-montaj ishlari, ularning sifati, belgilangan loyiha va muddatlarga muvofiq amalga oshirilishi yuzasidan o‘rganish olib borildi.

✅ Deputatlik nazorati davomida mas’ul tashkilotlarga qurilish ishlarini sifatli yakunlash, ajratilgan budjet mablag‘laridan maqsadli va samarali foydalanish hamda obyektni belgilangan muddatda foydalanishga topshirish yuzasidan tegishli tavsiyalar berildi.

🤝 Fuqarolar tashabbusi asosida amalga oshirilayotgan bunday loyihalar hudud infratuzilmasini yaxshilash, yoshlarning sport bilan muntazam shug‘ullanishi uchun zamonaviy sharoit yaratish hamda aholi ishonchini mustahkamlashda muhim ahamiyat kasb etadi.