Mazkur Qonun davlat xaridlarini amalga oshirishda ochiqlik, shaffoflik, adolat, raqobat va samaradorlik tamoyillarini ta’minlashga xizmat qiladi. Qonunda davlat buyurtmachilarining huquq va majburiyatlari, xaridlarni rejalashtirish, o‘tkazish hamda nazorat qilish tartiblari aniq belgilab berilgan.

Qonunning asosiy maqsadi – davlat byudjeti mablag‘laridan oqilona va samarali foydalanish, sog‘lom raqobat muhitini yaratish, tadbirkorlik subyektlari uchun teng imkoniyatlarni ta’minlash hamda korrupsiyaviy holatlarning oldini olishdan iborat.

Bugungi kunda mazkur Qonun talablariga qat’iy rioya etish davlat xaridlari tizimining shaffofligini ta’minlash, moliyaviy intizomni mustahkamlash va davlat mablag‘laridan samarali foydalanishda muhim omil bo‘lib xizmat qilmoqda.

Qonunga rioya qilish – shaffof boshqaruv va xalq manfaatlariga xizmat qiluvchi samarali davlat xaridlarining muhim kafolatidir.