#24_ta_masala

Xalq deputatlari Payariq tumani Kengashining 6-Farovon saylov okrugidan saylangan deputati N.Ochilova tomonidan Mustaqillik mahallasi hududida joylashgan maktabgacha ta’lim tashkilotida o‘rganish ishlari olib borildi.

O‘rganish davomida muassasa hududida elektr uzatish tarmoqlariga daraxt shoxlari tegib turganligi, shuningdek, bolalar xavfsizligiga salbiy ta’sir ko‘rsatishi mumkin bo‘lgan ikki dona transformatorning muhofaza to‘siqlari bilan to‘liq o‘ralmaganligi aniqlandi.

Mazkur holatlar yuzasidan bolalar xavfsizligini ta’minlash maqsadida elektr tarmoqlarini tartibga keltirish, daraxt shoxlarini belgilangan tartibda butash hamda transformatorlarni xavfsizlik talablariga muvofiq muhofaza qilish yoki imkoniyatdan kelib chiqib ularni xavfsizroq hududga ko‘chirish masalasini ko‘rib chiqish bo‘yicha tegishli mas’ul tashkilotlarga deputatlik so‘rovi kiritilishi belgilandi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|