Xalq deputatlari Dehqonobod tuman Kengashi kotibiyati mudiri G‘. Xo‘jamqulov O‘zbekiston Ekologik partiyasi Dehqonobod tuman Kengashi hamda ekspert guruhi a’zolari bilan hamkorlikda 20-Mustaqillik saylov okrugiga qarashli “Qo‘ng‘irot” mahalla fuqarolar yig‘ini saylovchilari ishtirokida uchrashuv o‘tkazdi.

Uchrashuv davomida hududdagi dolzarb masalalar, aholini qiynab kelayotgan muammolar hamda ularning yechimlari yuzasidan fikr almashildi. Shuningdek, fuqarolarning taklif va murojaatlari tinglanib, ularni hal etish bo‘yicha tegishli yo‘nalishlar belgilab olindi.

Mazkur uchrashuv saylovchilar bilan ochiq muloqotni kuchaytirish, aholining ijtimoiy-iqtisodiy faolligini oshirish hamda mahalliy muammolarga samarali yechim topishga xizmat qilishi ta’kidlandi.