Xalq deputatlari Qo‘qon shahar Kengashiga 26-"Yangi obod" saylov okrugidan saylangan deputat G.Payg‘amova tomonidan "To‘g‘onboshi" mahalla fuqarolar yig‘inida olib borilgan o‘rganishlar davomida mahalla hokim yordamchisi J.Zokirovning faoliyati atroflicha o‘rganildi.

O‘rganish jarayonida aholini bandligini ta’minlash, oilaviy tadbirkorlikni rivojlantirish hamda imtiyozli kreditlar ajratish borasida amalga oshirilayotgan ishlar tahlil qilindi.

Jumladan, mahalla hokim yordamchisi tomonidan:
Oq uylik ko‘chasi 4/1-xonadonda yashovchi o‘zini o‘zi band qilgan fuqaro Boboxonova Hakimaxonga 10 million so‘m;
Qutlug‘ qadam ko‘chasi 36-uyda yashovchi fuqaro Qurbonov Abduqodirga 10 million so‘m;
Obod yurt ko‘chasi 2-uyda yashovchi fuqaro Ziyayeva Barnoga 10 million so‘m miqdorida imtiyozli kredit ajratish bo‘yicha tegishli bank muassasalariga tavsiyanomalar yuborilgani ma’lum bo‘ldi.

O‘rganish davomida mazkur tavsiyanomalar ijrosi, kredit mablag‘larini ajratish jarayonlari hamda fuqarolarning tadbirkorlik faoliyatini qo‘llab-quvvatlash bo‘yicha amalga oshirilayotgan ishlar muhokama qilindi.

Deputat G.Payg‘amova tomonidan fuqarolarga imtiyozli kredit mablag‘larini ajratish jarayonini jadallashtirish maqsadida tegishli bank muassasasiga deputatlik so‘rovi yuborish hamda murojaatchilarga amaliy yordam ko‘rsatish yuzasidan kelishuvga erishildi.

Xalq deputatlari Qo‘qon shahar Kengashi