♿️ #Nogironligi bor shaxslarga ko‘rsatilayotgan ijtimoiy xizmatlar sifati o‘rganildi

Nurafshon shahrida inson qadrini ulug‘lash va ijtimoiy adolatni ta’minlash borasidagi ishlar deputatlik nazoratiga olingan. Bugun xalq deputatlari Nurafshon shahar Kengashi kotibiyati mudiri K.Umarboyev hamda deputat D.Safarova tomonidan “Inson” ijtimoiy xizmatlar markazi faoliyati o‘rganildi.

O‘rganish markazida quyidagi masalalar bo‘ldi:
🔹 Nogironligi mavjud shaxslarga davlat tomonidan berilgan imtiyozlarning to‘g‘ri va manzilli qo‘llanilishi holati;
🔹 Reabilitatsiya vositalari (nogironlik arabachalari, eshitish moslamalari va b.) bilan ta’minlash darajasi;
🔹 Markaz xodimlari tomonidan ko‘rsatilayotgan ijtimoiy-huquqiy yordamning samaradorligi.

O‘rganish davomida markazga tashrif buyurgan fuqarolar bilan suhbatlashilib, xizmat ko‘rsatish sifatini yanada yaxshilash va byurokratiyani kamaytirish bo‘yicha mas’ullarga tavsiyalar berildi.