Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal demokratik partiyasidan saylangan deputat U.Aripbayev tomonidan tumanning “Chimboyliq” mahallasiga biriktirilgan soliq inspektori I.Obidov faoliyati o‘rganildi.

🔺O‘rganish jarayonida aholiga soliq qonunchiligi bo‘yicha tushuntirish ishlarini olib borish, tadbirkorlik subyektlari bilan hamkorlik qilish, soliq to‘lovchilarning muammolarini o‘rganish hamda ularni bartaraf etish yuzasidan amalga oshirilayotgan ishlar tahlil qilindi.

🔺Uchrashuv davomida soliq inspektori tomonidan mahallada o‘zini o‘zi band qilgan fuqarolarni qonuniy faoliyatga jalb etish, yashirin iqtisodiyot holatlarining oldini olish, soliq intizomini mustahkamlash, yangi tadbirkorlik subyektlarini ro‘yxatdan o‘tkazish va ularni qo‘llab-quvvatlash bo‘yicha amalga oshirilayotgan chora-tadbirlar haqida axborot berildi.

🔺Shuningdek, aholi va tadbirkorlardan kelib tushayotgan murojaatlarni tezkor ko‘rib chiqish, ularga amaliy yordam ko‘rsatish, soliq imtiyozlari va mavjud imkoniyatlar yuzasidan keng tushuntirish ishlarini yanada kuchaytirish masalalari muhokama qilindi