⚖️ O‘zbekiston Respublikasining “Odam savdosiga qarshi kurashish to‘g‘risida”gi Qonuniga o‘zgartirish va qo‘shimchalar kiritish haqidagi O‘RQ–633-son Qonuni mazmun-mohiyatini keng jamoatchilikka yetkazish hamda aholi o‘rtasida huquqiy madaniyatni yuksaltirish maqsadida Shovot tumani Eshonqal’a mahallasida uchrashuv o‘tkazildi.
👥 Tadbirda Xalq deputatlari Shovot tumani Kengashi "Adolat" SDP deputati D.Shadanova, "Adolat" SDP Shovot tumani Kengashi raisi M.Abdiyazova hamda Kengash kotibiyati xodimi U.Ruzmetov mahalla faollari bilan birgalikda ishtirok etdi.
📖 Uchrashuv davomida qonunning mazmun-mohiyati, odam savdosining oldini olish, fuqarolarning huquq va erkinliklarini ishonchli himoya qilish, xavfsiz mehnat migratsiyasi madaniyatini shakllantirish hamda inson qadrini ulug‘lash borasida amalga oshirilayotgan islohotlar yuzasidan batafsil tushuntirishlar berildi.
🛡 Shuningdek, fuqarolarni odam savdosi bilan bog‘liq tahdid va xavflardan ogoh etish, noqonuniy mehnat va migratsiya holatlarining oldini olish, ayniqsa yoshlar va xotin-qizlarning huquqiy savodxonligini oshirish masalalariga alohida e’tibor qaratildi.
🤝 Mahalla faollari bilan ochiq muloqot o‘tkazilib, ularning fikr va takliflari tinglandi hamda qonun hujjatlarining joylardagi ijrosini ta’minlashda davlat organlari, mahalla va fuqarolik jamiyati institutlarining hamkorligini yanada kuchaytirish zarurligi ta’kidlandi.
✅ "Adolat" SDP deputatlari tomonidan fuqarolarning huquq va qonuniy manfaatlarini himoya qilish, qonun hujjatlarining mazmun-mohiyatini aholiga yetkazish hamda odam savdosiga qarshi murosasiz kurashish borasidagi targ‘ibot va deputatlik nazorati izchil davom ettiriladi.