Xalq deputatlari Sardoba tumani Kengashi kotibiyati mudirining 20-may ish rejasi ijrosi yuzasidan Xalq deputatlari Sardoba tumani Kengashi deputati N.Xamidova tomonidan Fayzlibod mahallasi hududida joylashgan Yog‘ochli Sardobada amalga oshirilayotgan bunyodkorlik ishlari o‘rganildi. O‘rganish jarayonida hududda olib borilayotgan qurilish va obodonlashtirish ishlarining ayrim jihatlarida kamchiliklar mavjudligi, ayniqsa, ishlarning sifat darajasi va muddatlarga rioya etilishi bo‘yicha mas’ullar faoliyati tanqidiy muhokama qilindi.
Shuningdek, hududni yana-da obod va aholi uchun qulay maskanga aylantirish maqsadida infratuzilmani yaxshilash, qurilish ishlarida sifat nazoratini kuchaytirish hamda aniq reja asosida ishlarni jadallashtirish yuzasidan tegishli mutasaddilarga tavsiya va topshiriqlar berildi.
Deputat tomonidan har bir amalga oshirilayotgan ish aholi manfaati va hudud ko‘rki uchun xizmat qilishi, bunyodkorlik ishlarida rasmiyatchilik emas, balki sifat va natija ustuvor bo‘lishi lozimligi alohida ta’kidlandi.