Mahalliy Kengash deputatlari faoliyatining eng muhim yo‘nalishlari bo‘yicha belgilangan 24 ta tavsiya asosida tizimli ishlar olib borilmoqda.

Xalq deputatlari Andijon shahar Kengashi deputatlari Avazbek Appaqov va Umidjon G‘ofurov 29-Shodlik saylov okrugidagi “Cho‘lpon 100 yilligi” MFYda bo‘ldilar.

Tashrif davomida deputatlar aholi murojaatlarini o‘rganish va ularni mahalla yettiligi tomonidan hal etish borasida amalga oshirilayotgan ishlar bilan tanishdilar.

Shuningdek, mahalla yettiligi a’zolariga korrupsiyaning oldini olish, faoliyatda ochiqlik va shaffoflikni ta’minlash yuzasidan tushuntirishlar berildi.

Aholi bilan ochiq muloqot va murojaatlarga o‘z vaqtida yechim topish deputatlar faoliyatining ustuvor yo‘nalishlaridan biridir.