Xalq deputatlari Sardoba tumani Kengashi deputati A. Muxammadiyev tomonidan pilla yetishtirish mavsumini muvaffaqiyatli yakunlagan fermer xo‘jaliklari rahbarlari va sohada mehnat qilayotgan fidoyi fermerlar bilan uchrashuv o‘tkazildi.
Uchrashuv davomida pillachilik sohasida amalga oshirilgan ishlar, erishilgan natijalar hamda kelgusida sohani yana-da rivojlantirishga qaratilgan vazifalar muhokama qilindi. Shuningdek, fermerlar tomonidan bildirilgan taklif va muammolar tinglanib, ularni hal etish yuzasidan tegishli chora-tadbirlar belgilab olindi.
Deputat A. Muxammadiyev o‘z so‘zida pillachilik tarmog‘ini rivojlantirish, aholi bandligini ta’minlash va fermerlarni har tomonlama qo‘llab-quvvatlash borasida olib borilayotgan ishlarga to‘xtalib, mavsumni samarali yakunlagan fermerlarga minnatdorlik bildirdi.
Uchrashuv samimiy va konstruktiv ruhda o‘tib, sohani yana-da taraqqiy ettirish bo‘yicha muhim fikr va tashabbuslar ilgari surildi.