Xalq deputatlari Sardoba tumani Kengashi kotibiyat mudiri 12-may ish rejasi ijrosi yuzasidan Xalq deputatlari Sardoba tumani Kengashi deputati
N. Xamidova tomonidan Xalqobod mahallasi hududida aholi murojaatlarini o‘rganish, fuqarolarning yashash sharoiti bilan yaqindan tanishish hamda ularni qiynayotgan muammolarni joyiga chiqqan holda bartaraf etish maqsadida xonadonbay o‘rganish ishlari amalga oshirildi. Tashrif davomida fuqarolar xonadonlariga kirib borilib, oilalarning ijtimoiy ahvoli, kommunal xizmatlar, bandlik, moddiy yordam, yoshlar va xotin-qizlarga oid masalalar yuzasidan murojaat va takliflari tinglandi. Aniqlangan muammolar bo‘yicha tegishli mutasaddi tashkilotlarga vazifalar yuklatilib, ularni ijobiy hal etish choralari belgilandi. Deputat N. Xamidova aholi bilan doimiy muloqot qilish, har bir xonadon muammosini o‘rganish va fuqarolar roziligiga erishish ustuvor vazifa ekanligini ta’kidladi. Bunday uchrashuv va xonadonbay o‘rganishlar aholining dardu tashvishlarini o‘z vaqtida hal etish, mahallada ijtimoiy barqarorlikni mustahkamlash hamda xalq bilan muloqot samaradorligini oshirishga xizmat qiladi.