Baxmal tumanida ichimlik suvi ta’minoti bo‘yicha muammolar o‘rganildi.
Xalq deputatlari tuman Kengashi deputatlari Sh.Sodiqov, N.Abdaxatov hamda tumandan Jizzav viloyat Kengashiga saylangan deputat Mamat Gulboyev tumandagi “Baxmal”, “Muzbuloq” va “Temirqadam” mahallalarida saylovchilar bilan uchrashib, “Qishloq infratuzilmasini rivojlantirish” loyihasi doirasida amalga oshirilgan ichimlik suvi ob’yektlarining holatini o‘rgandi.
O‘rganishlar davomida ayrim ob’yektlarda qurilish ishlari yakunlanganiga qaramasdan, aholi xonadonlariga suv yetkazib berilmayotgani, ayrim quduqlarda texnik nosozliklar mavjudligi, qoldiq qurilish ishlari to‘liq bajarilmagani hamda bir qator xonadonlar loyihaga kiritilmagani ma’lum bo‘ldi.
Aniqlangan muammolarni bartaraf etish va mas’ul tashkilotlarga deputatlik so'rovlari chiqarilishi belgilab olindi.