Xalq deputatlari Parkent tumani Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna hamda tuman Kengashi deputati, “Korrupsiyaga qarshi kurashish va xavfsizlik masalalari bo‘yicha doimiy komissiya”si raisi Salimboyev Xasan Dilmurodovich deputatlik faoliyati doirasida o‘ziga biriktirilgan Parkent tumani prokuraturasida bo‘lib, tuman prokurori, adliya katta maslahatchisi Qahramon Xaydarovich Mirsagatov bilan uchrashdi.️Uchrashuv davomida Kengash deputatlari va prokuratura organlari hamkorligini mustahkamlash, qonunlar ijrosini samarali ta’minlash, huquqbuzarliklar profilaktikasi, jinoyatchilikning oldini olish hamda korrupsiyaga qarshi kurashish yo‘nalishlarida amalga oshirilayotgan ishlar, joylarda aholi bilan tegishli tashkilotlar bilan hamkorlikdagi targ‘ibot tadbirlari o‘tkazish, huquqbuzarliklarni sodir etishga sabab bo‘layotgan ijtimoiy-maishiy muammolarni ijtimoiy profilaktika choralari orqali mas’ul idoralar bilan bartaraf etish masalalariga e’tibor qaratildi.️Shuningdek, aholining huquqiy ongi va huquqiy madaniyatini yuksaltirish, qonunchilik hujjatlarining mazmun-mohiyatini keng targ‘ib etish, bu boradagi islohotlarni keng jamoatchilikka yetkazishni kuchaytirish masalalariga alohida e’tibor qaratildi.️Muloqot yakunida tumanda qonuniylikni mustahkamlash, huquq tartibotni kuchaytirish hamda jinoyatchilikni oldini olish va unga qarshi kurashish borasida Kengash deputatlari hamda prokuratura organlari hamkorligi faoliyat samaradorligiga muhim ahamiyat kasb etishi ta’kidlandi