Deputat tashabbusi bilan saylov okrugida yo‘llar obod bo‘lmoqda.
Aholi uchun munosib turmush sharoitini yaratish, ichki yo‘llar holatini yaxshilash hamda transport harakati xavfsizligini ta’minlash maqsadida xalq deputatlari tuman Kengashi deputati F.Anorboyev tashabbusi bilan o‘z saylov okrugida asfaltlashtirish ishlari amalga oshirildi.
Mahalla aholisining ko‘p yillik murojaatlari va takliflari asosida ichki ko‘chalarda asfalt yotqizilib, yo‘llarning sifati sezilarli darajada yaxshilandi. Amalga oshirilgan ishlar natijasida avtotransport va piyodalar harakati uchun qulay va xavfsiz sharoit yaratildi, aholi kundalik hayotida uchrab kelgan qator muammolarga yechim topildi.
Asfaltlashtirish ishlari sifati va belgilangan muddatlarda bajarilishi deputatlik nazorati doirasida muntazam kuzatib borildi.