👩‍💼 O‘zbekiston Respublikasi Vazirlar Mahkamasining 2022-yil 31-martdagi 145-son qarori ijrosini ta’minlash maqsadida Xalq deputatlari Shovot tumani Kengashi deputati Gulxumar Dosova, Kengash kotibiyati mudiri I.Masharipov hamda kotibiyat xodimi U.Ruzmetov tomonidan tumanning Istiqbol mahallasida amalga oshirilayotgan ishlar o‘rganildi.
🤝 O‘rganishlar davomida xotin-qizlarni kasb-hunarga o‘qitish, ularning bandligini ta’minlash, yangi ish o‘rinlarini yaratish hamda tikuvchilik yo‘nalishida “Ustoz–shogird” an’anasi asosida olib borilayotgan faoliyat bilan yaqindan tanishildi.
🧵 Shuningdek, tikuvchilik faoliyatini kengaytirish, xotin-qizlarning daromad manbalarini oshirish va ularni doimiy ish bilan ta’minlash yuzasidan amalga oshirilayotgan ishlar muhokama qilinib, mavjud muammolarni bartaraf etish bo‘yicha tegishli tavsiya va takliflar bildirildi.
✅ Xotin-qizlarning bandligini ta’minlash, ularning iqtisodiy faolligini oshirish hamda oilalar farovonligini yuksaltirish borasidagi ishlarni izchil davom ettirish muhim vazifa ekani ta’kidlandi.