📋 Shovot tumanida tashkil etilgan “Infratuzilma va ijtimoiy barqarorlik” jamg‘armasi mablag‘lari hisobidan mablag‘ ajratish to‘g‘risidagi qaror loyihasiga asosan, tumandagi kambag‘al oilalar reyestriga kiritilgan, to‘liq davlat ta’minotidagi nogironligi bo‘lgan fuqaro Matmuratov Farxod Allaberganovichning yashash uyini qayta qurish xarajatlari uchun 200,0 (ikki yuz million) so‘m mablag‘ ajratish belgilangan.
🏠 Shu munosabat bilan navbatdagi sessiya oldidan Xalq deputatlari Shovot tumani Kengashi deputati F.Navruzov, kotibiyat xodimi U.Ruzmetov hamda tuman Iqtisodiyot va moliya bo‘limi boshlig‘ining birinchi o‘rinbosari D.Abdullayev ishtirokida fuqaroning Shovot tumani, Oqko‘l mahallasi, Zarbuloq ko‘chasi, 83-uy manzilida o‘rganish ishlari olib borildi.
🔎 O‘rganish davomida fuqaroning yashash uyi haqiqatdan ham qayta qurishga muhtoj ekani aniqlandi.
✅ O‘rganish yakunlariga ko‘ra, mazkur fuqaroga uy-joyini qayta qurish uchun jamg‘arma mablag‘lari hisobidan 200,0 (ikki yuz million) so‘m mablag‘ ajratish maqsadga muvofiq deb topildi va deputat tomonidan ijobiy xulosa berildi.
🤝 Xalq deputatlari Shovot tumani Kengashi tomonidan fuqarolarning ijtimoiy himoyasini kuchaytirish hamda ehtiyojmand oilalarni har tomonlama qo‘llab-quvvatlash borasidagi ishlar izchil davom ettirilmoqda.