Tuman Kengashi deputati D. Turg‘unov okrugi hududidagi "Erkin" mahallasi xotin-qizlar faolining "Ayollar daftari" bo‘yicha amalga oshirilgan ishlari kotibiyat mudiri G. Tursunova tomonidan tuman hokimi o‘rinbosari - Oila va xotin-qizlar bo‘limi boshlig‘i S. Usmonova ishtirokida o‘rganildi.

O‘rganish jarayonida "Ayollar daftari"ga kiritilgan xotin-qizlar bilan olib borilayotgan individual ishlash tizimi, ularning bandligini ta’minlash, kasb-hunarga o‘qitish, tadbirkorlikka jalb etish bo‘yicha ko‘rsatilayotgan amaliy yordamlar yuzasidan hujjatlar va amaliy ishlar ko‘zdan kechirildi.

Shuningdek, mahallada xotin-qizlarning muammolarini o‘z vaqtida aniqlash, ularni bartaraf etish bo‘yicha mas'ul tashkilotlar bilan hamkorlikda amalga oshirilayotgan ishlar tahlil qilindi.

O‘rganish davomida ayrim yo‘nalishlarda ish samaradorligini yanada oshirish yuzasidan tegishli tavsiya va ko‘rsatmalar berildi.