Xalq deputatlari Bekobod shahar kengashining 12-“Samarqand” saylov okrugi deputati “Adolat” SDP a’zosi G.Abdullayeva va kengash kotibiyati bosh mutaxassisi U.Abdunazarov tomonidan shahar ko‘p tarmoqli poliklinikasida O‘zbekiston Respublikasining 2024-yil 5-noyabrdagi “Aholiga psixologik yordam ko‘rsatish to‘g‘risida”gi O‘RQ-989-sonli qonun ijrosi o‘rganildi. Ushbu qonunning maqsadi aholiga psixologik yordam ko‘rsatish sohasidagi munosabatlarni tartibga solishdan iborat bo‘lib, shifokor-psixiatr A.Egamqulov tomonidan tibbiy ko‘rik ishlari olib boriladi hamda hisobi yuritiladi. Mazkur muassasada barcha ko‘rsatilayotgan psixologik yordamlar aholiga bepul ko‘rsatiladi va kerakli dori-darmonlar bepul retseptlar asosida yetarli miqdorda markaziy
dorixonadan ajratiladi. O‘rganish davomida mazkur qonunning 15-moddasini “Psixologik yordam ko‘rsatilishini so‘rab murojaat qilgan shaxsning huquq va majburiyatlari”ni ko‘zga ko‘rinarli joyga osib qo‘yish tavsiya etildi. Shuningdek, bugungi kunda shifokor-psixiatrlarga qo‘shimcha ehtiyoj mavjudligi, ushbu sohaga yosh, bilimli kadrlarni tayyorlash lozimligi ta’kidlandi.