🔹 Deputatlik faoliyatining ustuvor yo‘nalishlari yuzasidan uchrashuv o‘tkazildi

📍 Xalq deputatlari Sherobod tuman Kengashining 17-G‘ambur saylov okrugi deputati S. To‘rayeva hamda Kengash kotibiyati bosh mutaxassisi S. Safarov tomonidan deputatlik faoliyatining ustuvor 24 yo‘nalishi doirasida “G‘ambur” mahallasi yettiligi bilan uchrashuv o‘tkazildi.

🤝 Uchrashuv davomida mahallada amalga oshirilayotgan ishlar, aholini qiynayotgan dolzarb masalalar hamda ularni hal etish yuzasidan hamkorlikni yanada kuchaytirish masalalari muhokama qilindi. Shuningdek, deputatlik faoliyatining ustuvor yo‘nalishlari bo‘yicha olib borilayotgan ishlar yuzasidan fikr almashildi.

♻️ Shu bilan birga, ishtirokchilarga O‘zbekiston Respublikasining “Qayta tiklanuvchi energiya manbalaridan foydalanish to‘g‘risida”gi O‘RQ-539-son Qonunining mazmun-mohiyati batafsil tushuntirilib, qayta tiklanuvchi energiya manbalaridan samarali foydalanishning afzalliklari hamda ushbu yo‘nalishda yaratilgan imkoniyatlar haqida ma’lumot berildi.