Xalq deputatlari Zarbdor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishi bo‘lib o‘tdi.
Yig‘ilishda navbatdagi sessiya kun tartibiga kiritilishi rejalashtirilgan “Tumandagi yoshlarning bo‘sh vaqtini mazmunli va samarali tashkil etish maqsadida “Dolzarb 90 kun” tadbirlarini tashkil qilish to‘g‘risida”gi masala muhokama qilindi.
Muhokamalar davomida yozgi ta’til davrida yoshlarni sport, madaniyat, tadbirkorlik, kasb-hunar va innovatsion loyihalarga keng jalb etish, ularning bo‘sh vaqtini mazmunli tashkil etish bo‘yicha amalga oshirilayotgan ishlar yuzasidan mas’ullarning axborotlari eshitildi.
Shuningdek, “Dolzarb 90 kun” dasturi doirasida yoshlarni kasb-hunarga o‘rgatish, sport va madaniy tadbirlarni tashkil etish, kitobxonlikni targ‘ib qilish, vatanparvarlik va ma’naviy-ma’rifiy tadbirlarni o‘tkazish bo‘yicha belgilangan vazifalar ko‘rib chiqildi.
Yig‘ilish yakunida masala yuzasidan tegishli tavsiya va takliflar ishlab chiqilib, uni Xalq deputatlari Zarbdor tumani Kengashining navbatdagi sessiyasi muhokamasiga kiritish yuzasidan doimiy komissiya qarori qabul qilindi.