Qurilish va obodonlashtirish ishlari o‘rganildi

Xalq deputatlari Qiziriq tumani Kengashi kotibiyati mudiri K.Muhammadiyev tomonidan O‘zbekiston Respublikasi Prezidentining 2025-yil 24-dekabrdagi "Surxondaryo viloyatining salohiyati va imkoniyatlaridan to‘liq foydalanish bo‘yicha qo‘shimcha chora-tadbirlar to‘g‘risida"gi PQ–386-son qarori ijrosini ta’minlash maqsadida "Takiya ota" ziyoratgohida amalga oshirilayotgan qurilish va obodonlashtirish ishlari joyiga chiqib o‘rganildi.

O‘rganish davomida ziyoratgoh hududida olib borilayotgan qurilish va rekonstruksiya ishlari, tashqi va ichki infratuzilmani yaxshilash, hududni obodonlashtirish hamda tashrif buyuruvchilar uchun yaratilayotgan qulay shart-sharoitlar bilan yaqindan tanishildi.

Shuningdek, amalga oshirilayotgan ishlarning loyiha-smeta hujjatlariga muvofiqligi, qurilish ishlari sifati hamda belgilangan muddatlarda yakunlanishi yuzasidan mas'ul tashkilotlar vakillari bilan fikr almashildi. Aniqlangan ayrim kamchiliklarni bartaraf etish, ishlar sifatini yanada oshirish va qurilish jarayonlarini jadallashtirish bo‘yicha tegishli tavsiya hamda ko‘rsatmalar berildi.

Mazkur o‘rganishlar Prezidentimiz qarorida belgilangan vazifalarning o‘z vaqtida va sifatli ijrosini ta'minlash, tumanning turizm salohiyatini oshirish hamda muqaddas qadamjolar infratuzilmasini yanada rivojlantirishga xizmat qiladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram