Paxtakor tumanida "Xavfsiz va sog‘lom yurt" profilaktik tadbiri oldidan yig‘ilish bo‘lib o‘tdi. Unda Xalq deputatlari Paxtakor tumani Kengashi deputatlari, ichki ishlar organlari mas’ullari, mahalla faollari hamda tegishli tashkilot va idoralar vakillari ishtirok etdi.

Yig‘ilish davomida hududlarda jamoat tartibini mustahkamlash, huquqbuzarlik va jinoyatchilikning oldini olish, aholi, ayniqsa yoshlar o‘rtasida profilaktik ishlarni kuchaytirish hamda fuqarolarning tinchligi va osoyishtaligini ta’minlash masalalari muhokama qilindi.

Shuningdek, deputatlar tomonidan saylov okruglarida profilaktik tadbirlarni samarali tashkil etish, fuqarolar murojaatlarini o‘z vaqtida o‘rganish, mutasaddi tashkilotlar bilan hamkorlikni kuchaytirish hamda mavjud muammolarni joyida hal etish bo‘yicha taklif va tavsiyalar bildirildi.