Hokim yordamchisi faoliyati va kambag‘allikni qisqartirish borasidagi ishlar o‘rganildi.
Xalq deputatlari tuman Kengashining 24-Xo‘ja Hasan saylov okrugidan saylangan tuman Kengashi deputati T. Lutfullayev Saroy mahallasida bo‘lib, hokim yordamchisi tomonidan amalga oshirilayotgan ishlar samaradorligini, xususan aholini kambag‘allikdan chiqarish borasida olib borilayotgan faoliyatni o‘rgandi.

O‘rganish jarayonida mahallada yil boshidan buyon 25 ta mikroloyiha amalga oshirilgani, buning natijasida aholi bandligini ta’minlash va daromadlarini oshirishga xizmat qilayotganligi qayd etildi.

Shuningdek, mahallada 6 ta kambag‘al oila hamda 10 nafar ishsiz fuqaro mavjudligi, ularning muammolarini hal etish va doimiy daromad manbalarini yaratish bo‘yicha manzilli choralar ko‘rilayotgani ta’kidlandi.

Yil boshidan buyon 45 nafar fuqaroga jami 761 million so‘m miqdorida kredit mablag‘lari ajratilib, ularning tadbirkorlik faoliyatini yo‘lga qo‘yishi va oilaviy daromadlarini oshirishiga ko‘maklashilgan.