Xalq deputatlari Qo‘qon shahar Kengashining 2026-yil 28-martdagi VII-19-28-11-166-K/26-sonli qarori ijrosi yuzasidan navbatdagi monitoring tadbiri o‘tkazildi.

Unda Kengash kotibiyati mudiri A.Nosirov, kotibiyat bosh mutaxassisi A.Adxamov hamda “Mahalliy byudjet, tadbirkorlikni rivojlantirish va iqtisodiy islohotlar bo‘yicha” doimiy komissiya a’zolari ishtirok etdilar.

O‘rganish davomida Oydinbuloq mahalla fuqarolar yig‘ini, Nodirabegim avlodlari ko‘chasi 10-uyda istiqomat qiluvchi fuqaro Q.Mirxoshimova xonadonida olib borilayotgan ta’mirlash ishlari ko‘zdan kechirildi.

Jarayonda “Inson” ijtimoiy xizmatlar markazi direktor o‘rinbosari I.Karimov tomonidan mazkur obyekt bo‘yicha tegishli hujjatlar va amalga oshirilayotgan ishlar yuzasidan ma’lumotlar taqdim etildi.

Monitoring davomida:
ta’mirlash ishlarining borishi;
qurilish materiallarining sifati va yetarliligi;
ishlarning loyiha va smeta hujjatlariga muvofiqligi;
obyektni belgilangan muddatlarda foydalanishga topshirish masalalari atroflicha ko‘rib chiqildi.

Mutasaddilar tomonidan qurilish-ta’mirlash ishlarini sifatli tashkil etish, ajratilgan mablag‘lardan maqsadli foydalanish hamda ishlarni o‘z vaqtida yakunlash yuzasidan tegishli tavsiyalar berildi.

Qaror ijrosi va amalga oshirilayotgan ishlar yuzasidan deputatlik nazorati davom ettirilmoqda. Fuqarolar uchun munosib turmush sharoitlarini yaratishga qaratilgan bunday loyihalar doimiy e’tiborda bo‘lib qoladi.

Xalq deputatlari Qo‘qon shahar Kengashi