Ma’lumki, hududlarni ijtimoiy-iqtisodiy rivojlantirish dasturlarini o‘rganish hamda yosh avlod vakillarini har tomonlama yetuk shaxs sifatida shakllanishiga ko‘maklashish maqsadida deputatlik nazorati tadbirlari o‘tkazilib kelinmoqda.

Navbatdagi uchrashuvlar davomida Urganch shahar, “Kamolot” mahallasi fuqarolari va shu hududda faoliyat ko‘rsatayotgan ishchi-xodimlar tomonidan o‘rinli e’tirozlar va murojaat kelib tushdi.

Murojaatda keltirilishicha, mahalla binosining ro‘parasidagi yo‘lning qatnov qismiga jamoat transporti (avtobus) to‘xtashi uchun maxsus yo‘l belgisi o‘rnatilgan. Biroq, transport vositalari qatnovi zichligi va yo‘lning o‘tkazuvchanlik imkoniyati hisobga olinmaganligi sababli, mazkur yo‘l belgisi bu yerda ishlovchi va istiqomat qiluvchi fuqarolarning harakatlanishiga jiddiy noqulayliklar tug‘dirmoqda.

Hozirda mazkur masala bo‘yicha Urganch shahar IIB yo‘l harakati xafvsizligi bo‘limi boshligi A.Satimovga 119-ds-449-26-sonli deputat so‘rovi chiqarildi.