“Mahalla yettiligi” faoliyati o'rganildi

Xalq deputatlari Qo‘shko‘pir tuman Kengashi deputati Mehribon Tillayeva “Adolat” mahallasida bo‘lib,
“Mahalla yettiligi” faoliyati bilan yaqindan tanishdi. Uchrashuv davomida mahallada hamkorlik va jamoatchilik nazorati asosida olib borilayotgan ishlar ijobiy natijalar berayotgani, “Ochiq budjet” loyihasi orqali muhim infratuzilma masalalari hal etilib, ichki yo‘llar obod qilingani alohida ta’kidlandi. Shuningdek, profilaktika inspektori Shuhrat Bekchanov tomonidan so‘nggi ikki yil davomida mahallada jinoyat sodir etilmagani, bunga tizimli profilaktik targ‘ibot ishlari va aholi bilan samarali hamkorlik orqali erishilgani qayd etildi.
Deputat mahallada amalga oshirilayotgan bunyodkorlik va xavfsizlikni ta’minlash borasidagi ishlarni ijobiy baholadi.