Deputat so‘rovi ijobiy hal etildi
Xalq deputatlari Qo‘shko‘pir tumani Kengashi deputati R. Ismoilovaning deputat so‘rovi yuzasidan kiritilgan murojaat ijobiy hal etildi.
Natijada Bahoriston mahallasidagi Al-Xorazmiy ko‘chasi hamda Chamanzor mahallasini bog‘lovchi yo‘l qismiga asfalt qoplamasi yotqizilib, aholi uchun qulay va xavfsiz harakatlanish sharoitlari yaratildi.
Shuningdek, deputat tomonidan deputatlik so‘rovlariga berilayotgan javoblarning o‘z vaqtida taqdim etilishi, ijro intizomiga rioya qilinishi hamda murojaatlarda ko‘tarilgan masalalarning amaliy yechimi yuzasidan ko‘rilayotgan chora-tadbirlar holati tahlil qilindi.
O‘rganishlar davomida davlat organlari va tashkilotlarining fuqarolar manfaatlarini ta’minlash hamda hududlarni kompleks rivojlantirish borasidagi faoliyati yuzasidan tegishli xulosalar shakllantirildi.