Deputatlik guruhida: Maktabgacha va maktab ta’limi bo‘limi rahbarining hisoboti tinglandi

✍ Xalq deputatlari Boysun tumani Kengashidagi O'zbekiston XDP deputatlik guruhi yig‘ilishida Maktabgacha va maktab ta’limi bo‘limi rahbari N.Aliqulovning hisoboti eshitildi. Hisobotda tumandagi ta’lim muassasalarida amalga oshirilayotgan islohotlar, ta’lim sifati, o‘quvchilarning bilim darajasini oshirish, maktab va maktabgacha ta’lim tashkilotlarining moddiy-texnik bazasini mustahkamlash borasida olib borilayotgan ishlar haqida ma’lumot berildi.

✍ Yig‘ilish davomida deputatlar tomonidan ta’lim muassasalarida mavjud muammolar, pedagog kadrlar bilan ta’minlanganlik, ta’lim sifati va infratuzilmani yaxshilash masalalari yuzasidan savollar berilib, tegishli taklif va tavsiyalar bildirildi.

✍ Muhokamalar yakunida ta’lim sohasida aniqlangan kamchiliklarni bartaraf etish, mavjud imkoniyatlardan samarali foydalanish hamda ta’lim sifatini yanada oshirish bo‘yicha tegishli qarorlar qabul qilindi. Deputatlar ushbu yo‘nalishdagi ishlarni doimiy nazoratga olishlarini ta’kidladilar.