Xalq deputatlari Qibray tuman Kengashi deputatlari Sh.Komilova va Sh.Abdullayeva, Kengash kotibiyati mudiri O.Toirov hamda kotibiyat bosh mutaxassisi G.Aripova tomonidan “Mahalla yettiligi”, mahalla faollari va tuman elektr ta’minoti korxonasi mutaxassisi ishtirokida “Mustaqillik” mahallasi Mustaqillik ko‘chasi aholisidan kelib tushgan elektr energiyasi ta’minoti bilan bog‘liq murojaati joyiga chiqib o‘rganildi.
O‘rganish jarayonida fuqarolar tomonidan bildirilgan muammo va takliflar tinglanib, mavjud holat mutaxassislar bilan birgalikda atroflicha tahlil qilindi. Aniqlangan kamchiliklarni bartaraf etish hamda elektr ta’minoti sifatini yaxshilash yuzasidan mas’ul tashkilotlarga tegishli tavsiya va topshiriqlar berildi.
Aholini qiynab kelayotgan masalalarni joyida o‘rganish, ularning qonuniy manfaatlarini ta’minlash deputatlik faoliyatining ustuvor yo‘nalishlaridan biri bo‘lib qolmoqda.