Aholini qiynayotgan muammolarni o‘z vaqtida aniqlash va ularni bartaraf etish yuzasidan amaliy choralar ko‘rish maqsadida deputatlar tomonidan hududlarda fuqarolar murojaatlari muntazam ravishda o‘rganib borilmoqda.Shu maqsadda Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna, 8-“Istiqlol” saylov okrugidan saylangan deputat Ashurov Baxodir Maxamadaliyevich, Xalq deputatlari Toshkent viloyati Kengashi deputati Gavhar Rizayeva hamda tegishli tashkilotlar vakillari ishtirokida “Yangiobod” mahalla fuqarolar yig‘inida yashovchi fuqaroning murojaati yuzasidan o‘rganish ishlari olib borildi.O‘rganish jarayonida fuqaro bilan suhbat o‘tkazilib, murojaatda ko‘rsatilgan masalalar joyida ko‘zdan kechirildi. Muammoning kelib chiqish sabablari va uni bartaraf etish imkoniyatlari mas’ullar ishtirokida muhokama qilinib, murojaatda ko‘tarilgan masalalarga huquqiy va amaliy jihatdan yondashildi. Murojaatni hal etish yuzasidan tegishli tashkilotlar tomonidan amalga oshirilishi lozim bo‘lgan vazifalar belgilab olinib, mas’ullarga aniq topshiriqlar berildi. Shuningdek, muammoning ijobiy yechim topishini ta’minlash maqsadida zarur chora-tadbirlarni amalga oshirish bo‘yicha kelishuvlarga erishildi.Fuqarolarning murojaatlarini o‘z vaqtida ko‘rib chiqish, ularning qonuniy manfaatlarini himoya qilish va mavjud muammolariga yechim topish deputatlik faoliyatining muhim yo‘nalishlaridan biri bo‘lib, mazkur murojaat ijrosi ham deputatlar nazoratiga olindi.