Kotibiyat ish rejasida belgilangan “Suv ta’minoti va infratuzilma ishlari: aholining ichimlik suvi bilan ta’minlanishini yaxshilash bo‘yicha yig‘ilish o‘tkazish va joylarda o‘rganishlar olib borish” vazifasi doirasida kotibiyat binosida tuman “Suvta’minot” unitar korxonasi mas’ul xodimi ishtirokida uchrashuv tashkil etildi.

Uchrashuv davomida hududlarda ichimlik suvi ta’minoti bilan bog‘liq mavjud holat, aholi murojaatlari hamda ushbu yo‘nalishda amalga oshirilayotgan ishlar yuzasidan fikr almashildi.

Shuningdek, deputatlar tomonidan yuborilayotgan deputat so‘rovlarini belgilangan muddatlarda ko‘rib chiqish, ularga o‘z vaqtida va asoslantirilgan javoblar taqdim etish hamda so‘rovlar ijrosini samarali tashkil etish masalalari muhokama qilindi.