Uylarda issiq va sovuq suv bilan ta’minlash, elektr energiyasi, gaz bilan bog‘liq masalalar o'rganildi

Xalq deputatlari Chinoz tumani Kengashining ish rejasiga muvofiq, O‘zbekiston Ekologik partiyasidan 17–Sutchilar saylov okrugidan saylangan deputat Xusan Arabbayev nomidan Kengash kotibiyati mudiri Asqar Baxramov tomonidan tumandagi Paxtaobod MFY hududida joylashgan ko‘p qavatli uylarda aholini issiq va sovuq suv bilan ta’minlash, elektr energiyasi hamda tabiiy gaz bilan bog‘liq masalalar o‘rganildi.

O‘rganish jarayonida aholi tomonidan bildirilgan murojaat va takliflar tinglanib, mavjud muammolarni bartaraf etish, kommunal xizmatlar sifatini yaxshilash hamda aholiga qulay shart-sharoitlar yaratish yuzasidan mas’ul tashkilotlar bilan muhokamalar olib borildi.

Shuningdek, aniqlangan kamchiliklarni qisqa muddatlarda bartaraf etish, infratuzilma holatini yaxshilash hamda aholini uzluksiz kommunal xizmatlar bilan ta’minlash bo‘yicha tegishli tavsiya va topshiriqlar berildi.