Xalq deputatlari Muzrabot tumani Kengashi deputati tomonidan “Mehnatobod” mahallasida mavjud ayrim masalalardan biri – ichki ko‘chalarda harakat xavfsizligini ta’minlash yuzasidan deputatlik so‘rovi yuborildi.

So‘nggi vaqtlarda mahallada keng ko‘lamli qurilish va obodonlashtirish ishlari amalga oshirilib, ichki yo‘llar asfaltlashtirildi. Natijada aholi uchun qulay va zamonaviy infratuzilma yaratilmoqda. Biroq ayrim haydovchilarning yuqori tezlikda harakatlanishi mahalla aholisi, ayniqsa yosh bolalar va piyodalar xavfsizligiga salbiy ta’sir ko‘rsatmoqda.

Shu munosabat bilan mahalla fuqarolari tomonidan yo‘l harakati xavfsizligini ta’minlash bo‘yicha qilingan murojaatlarda ichki ko‘chalarga tezlikni cheklovchi va ogohlantiruvchi yo‘l belgilari hamda zarur joylarga sun’iy notekisliklar (tezlik pasaytirgichlar) o‘rnatish takliflari bildirildi.

Deputatlik so‘rovida mas’ul tashkilotdan mazkur holatni joyiga chiqqan holda o‘rganish, zarur yo‘l belgilari va sun’iy notekisliklar o‘rnatish imkoniyatlarini ko‘rib chiqish so‘raldi.

Tuman Kengashi deputati Amonov Jamshid Yangiboyevich