Xalq deputatlari Oqoltin tumani Kengashi deputati D.Egamqulova tomonidan A.Navoiy mahallasi Navbahor ko‘chasidagi 4-sonli ko‘p qavatli uyda istiqomat qiluvchi fuqarolar tomonidan yo‘llangan murojaat joyiga chiqib o‘rganildi.

O‘rganish davomida mazkur xonadonda parrandachilik faoliyati bilan shug‘ullanilayotgani aniqlanib, bu holat yuzasidan uyda istiqomat qiluvchi boshqa fuqarolarning fikr va mulohazalari tinglandi. Mavjud vaziyat atroflicha muhokama qilinib, faoliyatni amaldagi qonunchilik talablari asosida tashkil etish hamda tadbirkorlik faoliyatini yanada samarali yo‘lga qo‘yish bo‘yicha fuqaroga tegishli tavsiya va tushuntirishlar berildi.

Deputat tomonidan murojaatda ko‘tarilgan masala nazoratga olinib, fuqarolarning qonuniy manfaatlarini ta’minlash yuzasidan zarur chora-tadbirlar belgilandi.