Ko‘p qavatli uylarni ta’mirlash ishlari o‘rganildi

Xalq deputatlari Sirdaryo viloyati Kengashi deputati N.Soatov hamda tuman Kengashi kotibiyati mudiri N.Turdiyev tomonidan Ko‘rkam diyor mahallasi Intilish ko‘chasida joylashgan ko‘p qavatli uylarni ta’mirlash va obodonlashtirish ishlari holati yuzasidan o‘rganish olib borildi.

O‘rganish jarayonida amalga oshirilayotgan qurilish-ta’mirlash ishlarida ayrim kamchiliklar mavjudligi aniqlandi. Xususan, ayrim ko‘p qavatli uylarning kirish yo‘laklari (podezlari) uchun eshiklar o‘rnatilmagani, shuningdek, binolarning tashqi fasad qismini bo‘yash ishlari sifat talablariga to‘liq javob bermasligi kuzatildi.

Aniqlangan kamchiliklarni bartaraf etish hamda ta’mirlash ishlarini sifatli va belgilangan muddatlarda yakunlash yuzasidan mas’ul tashkilotlar vakillariga tegishli tavsiya va ko‘rsatmalar berildi. Mazkur masala deputatlik nazoratiga olindi.

Xalq deputatlari Oqoltin tumani Kengashi kotibiyati.