Orol MFYda amalga oshirilayotgan bunyodkorlik ishlari bilan tanishildi

Xalq deputatlari Termiz tuman Kengashi kotibiyati mudiri A.Avliyakulov, 1-Xalqabod saylov okrugi deputati N.Ruziyeva hamda tuman hokimligi bosh mutaxassisi O‘.Shamiyev bilan birgalikda Orol MFYda bo‘lib, hududda amalga oshirilayotgan qurilish va obodonlashtirish ishlari bilan yaqindan tanishdi.

Mahallada aholi turmush farovonligini oshirishga qaratilgan keng ko‘lamli ishlar olib borilmoqda. Xususan, fuqarolarni sifatli ichimlik suvi bilan ta’minlash maqsadida suv tarmoqlarini tortish ishlari davom etmoqda. Shuningdek, mahalla ko‘chalarida zamonaviy piyodalar yo‘lakchalari barpo etilib, tungi vaqtda xavfsiz harakatlanishni ta’minlash uchun yoritish chiroqlari o‘rnatilgan.

Mazkur bunyodkorlik ishlari mahalla infratuzilmasini yanada yaxshilash, aholiga qulay shart-sharoitlar yaratish hamda hududning zamonaviy qiyofasini shakllantirishga xizmat qilmoqda. Tashrif davomida olib borilayotgan ishlarning sifati va muddatlariga alohida e’tibor qaratilib, mas’ullarga tegishli tavsiyalar berildi.

Orol MFYda amalga oshirilayotgan bu kabi ezgu va bunyodkorlik ishlari hududning yanada obod va fayzli maskanga aylanishiga munosib hissa qo‘shmoqda.