Xalıq deputatları rayonlıq Keńesine O’zXDP partiyasınan saylanǵan deputat Dawletiyarova Venera Bagdiyarovna aymaǵında tiginshilik penen shuǵıllanıp atırǵan hayal-qızlar menen ushırastı.
Ushırasıw dawamında tiginshilik arqalı shańaraǵınıń dáramatın arttırıp atırǵan, óz miyneti menen el arasında húrmetke iye bolǵan isbilermen hayal-qızlardıń jumısı menen jaqınnan tanısıldı. Olardıń tayarlanıp atırǵan kiyim-kenshekler hám basqa da buyımlar xalıqqa qolaylı bahalarda usınılıp atırǵanı atap ótildi.
Sonday-aq, sóylesiw dawamında hayal-qızlardıń usınısları, mashqalaları tıńlanıp, olardı jumıs penen támiyinlew, tiginshilik islerin jáne de rawajlandırıw, jańa jumıs orınların jaratıw boyınsha pikir alısıldı.