Maktabgacha ta’lim tashkiloti faoliyati o‘rganildi

📍Xalq deputatlari Olmazor tuman Kengashi deputati U.Fayziyeva va xalq deputatlari Olmazor tuman Kengashi kotibiyati bosh mutaxassisi U.Shopotixov tomonidan "Qichqiriq" MFY hududidagi 432-sonli davlat maktabgacha ta’lim tashkilotida o‘rganish ishlari amalga oshirildi. O‘rganish davomida muassasaning moddiy-texnik bazasi, tarbiyalanuvchilar uchun yaratilgan shart-sharoitlar, oshxona faoliyati, sanitariya-gigiyena talablari hamda oziq-ovqat mahsulotlarining saqlanish holati atroflicha ko‘zdan kechirildi.

✅ Shuningdek, muassasadagi mavjud kamchiliklar ham o‘rganilib, bolalarning jismoniy rivojlanishi va sog‘lom hordiq chiqarishi uchun mo‘ljallangan basseyn hududida yetarli sharoit mavjud emasligi aniqlandi. Jumladan, basseyn faoliyat yuritmayotgani hamda bolalarning suzish mashg‘ulotlarini tashkil etish uchun zarur sharoitlar yetarli darajada emasligi qayd etildi.

✅ Mazkur masala yuzasidan mutasaddi tashkilotlarga tegishli tavsiya va ko‘rsatmalar berilib, kamchiliklarni bartaraf etish, basseyn hududini ta’mirlash hamda bolalar uchun xavfsiz va zamonaviy sharoit yaratish bo‘yicha amaliy choralar ko‘rish lozimligi ta’kidlandi.

📎 Deputat tomonidan bu kabi o‘rganishlar maktabgacha ta’lim muassasalarida yaratilayotgan sharoitlarni yaxshilash, bolajonlar uchun qulay va xavfsiz muhitni ta’minlash hamda mavjud muammolarni joyida hal etishga xizmat qilishi qayd etildi.