Kun tartibidagi ikkinchi masala “Ochiq budjet” axborot portalida ovoz berish jarayonida g‘olib deb topilgan “Gulbahor” mahallasida “Yashil bog‘”  tashkil etish to‘g‘risida. Ekopolitsiya Termiz tuman bo‘limi boshlig‘i I.Xaitovning hisoboti haqida.

Ekoplitsiya Termiz tuman bo‘limi boshlig‘i I.Xayitov tomonidan ekologiya sohasi hamda “Yashil makon” umummilliy loyihasi doirasida amalga oshirilayotgan ishlar yuzasidan hisobot taqdim etildi. Ma’lum qilinishicha, 2026-yil bahorgi ko‘chat ekish mavsumida tumanda 392 ming dona manzarali va mevali ko‘chat ekish rejasi 103 foizga bajarildi. Hudud iqlimiga mos tut, jiyda, gujum va katalpa kabi daraxt ko‘chatlari ekildi. Shuningdek, chang bo‘ronlarining oldini olish maqsadida “Yangi obod” mahallasi chegaraoldi hududida 20 gektar maydonda manzarali daraxtlar ekildi.Bundan tashqari, “Gulbahor” mahallasida 1 gektar yer maydonida “Yashil jamoat parki” tashkil etish loyihasi “Ochiq budjet” portalida 822 ta ovoz bilan g‘olib deb topilgani ta’kidlandi.