Investitsion obyektlardagi qurilish jarayonlari bilan tanishildi

Xalq deputatlari Termiz tuman Kengashi kotibiyat mudiri A.Avliyakulov tomonidan Ayritom MFY hududida amalga oshirilayotgan investitsion loyihalar va qurilish ishlari o‘rganildi.

O‘rganish davomida “Ayritom” mahallasida joylashgan “SURXON BARAKA MUZRABOD ” MChJ tomonidan Termiz erkin iqtisodiy zonasida hududida logistika markazini tashkil etish hamda “KATABAZAY GROUP” MChJ tomonidan zargarlik buyumlarini qayta ishlash loyihalari bilan yaqindan tanishildi. Shuningdek, hududdagi yana bir qator obyektlarda olib borilayotgan qurilish ishlari ham ko‘zdan kechirildi.

Mazkur obyektlarda qurilish ishlari davom etmoqda. Ayrim loyihalarda moliyalashtirish jarayonlari olib borilayotgani, Xitoy davlatidan texnologik uskunalar olib kelinishi rejalashtirilgan.

Mazkur hudud 17-Ayritom saylov okrugi deputati M.Shernayevga tegishli bo‘lib, loyihalarning o‘z vaqtida va sifatli amalga oshirilishi yuzasidan tegishli tavsiyalar berildi.