Xalıq deputatları Bozataw rayonlıq Keńesi sekretariatı baslıǵı A.Ibragimov, siyasıy partiyalar wákilleri menen gezektegi ushırasıwı bolıp ótti.
Ushırasıw rayonlıq Keńes jumıslarında siyasıy partiyalardıń ornın bekkemlew, deputatlar menen partiyalar arasındaǵı jumıslardı kúshiytiw hám xalıq máplerin qórǵaw boyınsha ámeliy wazıypalardı belgilew maqsetinde ótkerildi.
Sáwbet dawamında rayon xalqınıń turmısında ushırasıp atırǵan áhmiyetli máseleler, puqaralardan kelip túsip atırǵan múrájatlar hám olardıń sheshiw jolları boyınsha pikir almasıwlar bolıp ótti.
Keńes sekretariatı baslıǵı óz sózinde rayon rawajı ushın barlıq siyasıy partiyalar menen birgelikte islew áhmiyetli ekenligin atap ótti. Sonıń menen birge, xalıq isenimin aqlaw, puqaralardıń múrájatlarına tezlik penen qaraw hám ámeliy nátiyjege erisiw hár bir deputat hám partiya wákiliniń baslı wazıypası ekenligi bildirdi.
Ushırasıw sońında aldaǵı waqıtlarda birgelikte óz-ara tiǵız birge islesiw, baylanıstı kúshleytiw hám ámelge asırılatuǵın wazıypalar belgilep alındı. Bunday ashıq sáwbetler deputatlıq iskerliktiń nátiyjeliligin arttırıwda hám demokratiyalıq prinsiplerdi bekkemlewde áhmiyetli orın tutadı.