Deputat va partiya vakillari mahalla faoliyatini o‘rgandi

📌 Xalq deputatlari tuman Kengashining 7-Mayda saylov okrugi deputati M.Xudoyqulova hamda O‘zbekiston “Adolat” sotsial-demokratik partiyasi tuman Kengashi raisi N.Mirzayevlar mahalla yettiligi faoliyati o‘rganish maqsadida G‘ishtli mahalla yettiligi faoliyatini o‘rgandi.

📊 Uchrashuvlar davomida mahalla yettiligining faoliyati, aholi muammolarini o‘rganish va ularni hal etish borasidagi ishlar atroflicha tahlil qilindi. Xususan, ijtimoiy himoyaga muhtoj oilalarni qo‘llab-quvvatlash, yoshlar bandligini ta’minlash, xotin-qizlar muammolarini hal etish hamda hududda huquqbuzarliklarning oldini olish borasida amalga oshirilayotgan chora-tadbirlarga alohida e’tibor qaratildi.

🗣 Shuningdek, fuqarolar tomonidan bildirilgan murojaatlar tinglanib, ularni hal etish yuzasidan tegishli tashkilotlar bilan hamkorlikda aniq vazifalar belgilab olindi. Mutasaddilar mahalla tizimini yanada takomillashtirish, aholining davlat organlariga bo‘lgan ishonchini mustahkamlash hamda joylarda ijtimoiy muhitni yaxshilash bo‘yicha o‘z taklif va tavsiyalarini bildirdi.