Romitan tumani Gazli mahalla fuqarolar yig‘ini hududida joylashgan 17-son bolalar musiqa va san`at maktabida tuman hokimligi, 25-Baynalminal saylov okrugi deputati, Ma’naviyat va ma’rifat bo‘linmasi, Mahallalar uyushmasi, Nuroniylar jamgʻarmasi, Madaniyat boʻlimi hamda keng jamoatchilik ishtirokida qalblarga iliqlik ulashuvchi “Shukronalik” tadbiri bo‘lib o‘tdi.

Dunyoda turli xavotir va notinchliklar kezib yurgan bir vaqtda, O‘zbekistonimizdagi osuda hayotning qadri naqadar baland ekanligi tadbirning bosh mavzusiga aylandi.

Zero, bugun butun dunyo havas bilan termulayotgan yurtimizdagi bu osoyishtalik — hamjihatligimiz va har bir yurtdoshimizning shukronalik tuyg‘usi samarasidir.

Muloqotlar davomida har bir otilayotgan tongni shukrona bilan qarshilash, yurt tinchligini ko‘z qorachig‘idek asrash va unga dahldorlik hissi bilan yashash eng oliy insoniy fazilat ekanligi alohida ta’kidlandi.

Yurtimiz tinch, osmonimiz musaffo, ahilligimiz bardavom bo‘lsin!