Sessiyada tuman hayotining muhim yo‘nalishlariga oid masalalar muhokama qilinib, mas’ul rahbarlarning hisobot va axborotlari tinglandi.

SESSIYA KUN TARTIBIDAGI ASOSIY MASALALAR

Favqulodda vaziyatlar profilaktikasi
2026-yilning 9 oyi davomida favqulodda vaziyatlarning oldini olish borasida amalga oshirilgan ishlar.

Qonun ustuvorligi va jamoat xavfsizligi
Kriminogen vaziyatni yaxshilash, jinoyatlarning barvaqt oldini olish hamda huquqbuzarliklar profilaktikasi.

Hududiy rivojlanish
Xorazm viloyatini kompleks ijtimoiy-iqtisodiy rivojlantirishga oid Prezident qarori ijrosi.

Mahalliy budjet va soliq tushumlari
Budjet daromadlari ijrosi, qo‘shimcha rezervlarni aniqlash va soliq qarzdorligini kamaytirish masalalari.

“Yashil makon” — yashil kelajak sari
Kuzgi mavsumda mahallalarning yashillik darajasini oshirish va ko‘kalamzorlashtirish ishlarini tashkil etish.

Aholi murojaatlari — deputatlar e’tiborida fuqarolar murojaatlari va mavjud muammolar bilan ishlash, ularning yechimi bo‘yicha amalga oshirilgan ishlar.

Suv resurslari va suv tejovchi texnologiyalar
Suv xo‘jaligi obyektlarining texnik holatini yaxshilash va zamonaviy sug‘orish texnologiyalarini joriy etish.

ASOSIY MAQSAD — AHOLI MANFAATLARI!

Sessiyada ko‘rib chiqilgan masalalar hududda qonuniylikni mustahkamlash, jamoat xavfsizligini ta’minlash, budjet mablag‘laridan samarali foydalanish, ekologik barqarorlikni oshirish hamda fuqarolarni qiynayotgan muammolarni hal etishda muhim ahamiyatga ega.

Xalq deputatlari Bog‘ot tumani Kengashi — xalq manfaatlari yo‘lida, hudud taraqqiyoti va farovon kelajak uchun!