DEPUTATLIK SO‘ROVI: BO‘STON MFYDA ESKIRGAN SIMYOG‘OCHLARNI YANGILASH MASALASI KO‘TARILDI
🇺🇿 Xalq deputatlari Parkent tuman Kengashiga 4-«Bo‘ston» saylov okrugidan saylangan deputat Usipxodjayev Yerlan Ormanovich tomonidan fuqarolar murojaatlari va saylovchilar bilan o‘tkazilgan uchrashuvlar davomida aniqlangan muammolar yuzasidan deputatlik nazorati olib borilmoqda.
📌 Jumladan, «Bo‘ston» mahalla fuqarolar yig‘ini nuroniylari va faollari bilan bo‘lib o‘tgan suhbatlar davomida mahalladagi mavjud muammolar, aholini qiynayotgan masalalar hamda ularning yechimini ta’minlashga qaratilgan takliflar o‘rganildi.
👌 Asosiy masala — Achchisoy ko‘chasidagi 15 dona eskirgan simyog‘ochni yangilariga almashtirish.
Mahalla aholisi tomonidan ko‘tarilgan ushbu masalaga ko‘ra, uzoq yillardan buyon foydalanib kelinayotgan 15 dona simyog‘och bugungi kunda eskirib, texnik holati yuzasidan xavotirlarni keltirib chiqarmoqda. Mazkur holat elektr ta’minoti barqarorligi va fuqarolar xavfsizligini ta’minlash nuqtayi nazaridan alohida e’tibor talab etadi.
👌 Shu munosabat bilan deputat Usipxodjayev Yerlan Ormanovich Parkent tuman Elektr tarmoqlari korxonasi boshlig‘i M. Mirxamidov nomiga deputatlik so‘rovi yubordi.
So‘rovda Achchisoy ko‘chasidagi 15 dona simyog‘ochning texnik holatini o‘rganish, mavjud muammolarni bartaraf etish yuzasidan tegishli choralar ko‘rish, rejalashtirilgan ishlar va ularni amalga oshirish muddatlari, shuningdek, hozirgi kunga qadar bajarilgan amaliy ishlar haqida asoslantirilgan yozma ma’lumot taqdim etish so‘ralgan.
📌 Deputatlik so‘rovi «Xalq deputatlari viloyat, tuman va shahar Kengashi deputatining maqomi to‘g‘risida»gi Qonunning 5 va 8-moddalariga muvofiq yuborildi. Mazkur so‘rov orqali mahallada aniqlangan muammoni vakolatli tashkilot tomonidan o‘rganish va uning yechimi yuzasidan aniq choralar belgilanishiga e’tibor qaratilmoqda.
📌 Deputatlik nazorati — aholi muammolarini aniqlash, ularni mas’ul tashkilotlar oldida ko‘tarish va amaliy yechim topilishiga ko‘maklashishning muhim vositasidir.
📌 Fuqarolar xavfsizligi, elektr ta’minoti barqarorligi va mahalla infratuzilmasini yaxshilashga qaratilgan ushbu masalaning hal etilishi deputatlik nazoratining muhim yo‘nalishlaridan biri hisoblanadi.
⚠️ Xalq manfaatlari yo‘lida, har bir murojaat e’tiborda, har bir muammo yechim sari!