#162_ta_qonun_ijrosi
#doimiy_komissiya_faoliyati
#deputat_faoliyati

Bandixon tumanida deputat B.Yo‘ldoshev Kadastr filialida korrupsiyaga qarshi kurashish mavzusida targ‘ibot tadbiri o‘tkazdi

Bandixon tumanida davlat xizmatlarini ko‘rsatish tizimida ochiqlikni ta’minlash, qonunchilik hujjatlarining mazmun-mohiyatini xodimlarga yetkazish hamda korrupsion xavflarning oldini olish borasida tizimli profilaktik tadbirlar olib borilmoqda.

Xalq deputatlari Bandixon tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi komissiya a’zosi B.Yo‘ldoshev Davlat kadastrlari palatasi Bandixon tumani filialida bo‘lib, O‘zbekiston Respublikasining “Korrupsiyaga qarshi kurashish to‘g‘risida”gi O‘RQ-419-sonli Qonuni yuzasidan davra suhbati tashkil etdi.

Uchrashuv davomida kadastr sohasida qonun ustuvorligini ta’minlash, xizmat ko‘rsatishda shaffoflik va xolislik prinsiplariga tayanish, manfaatlar to‘qnashuviga yo‘l qo‘ymaslik hamda fuqarolarning huquqiy savodxonligini yuksaltirish masalalari tushuntirildi.

Tadbir yakunida mutaxassislarga xizmat faoliyatida odob-axloq qoidalariga rioya etish va har qanday noqonuniy xatti-harakatlarning oldini olish bo‘yicha tegishli tavsiyalar berildi.